Жетісулық тұрғын 5 жылдан бері алимент қарызын әдейі төлемей жүрген

Жетісу прокуратурасы алимент төлемеген борышкерлерді қылмыстық жауаптылыққа тартуды талап етіп жатыр, - деп хабарлайды Massaget.kz тілшісі.

Сондай тексеріс барысында Алакөл ауданының борышкері 5 жылдан астам уақыт бойы өз міндеттемелерін орындаудан әдейі жалтарып, жалпы қарызы 2,6 миллион теңгеге жеткені анықталды.

Борышкер әкімшілік жауапкершілікке тартылғанымен, бұл шаралар тиімді нәтиже бермеген.

Сондықтан прокурорлар ҚР ҚК-нің 139-бабына сәйкес балалар мен басқа да мүгедек отбасы мүшелерін асырау үшін қаражат төлеу жөніндегі міндеттемелерін орындамау фактісі бойынша сотқа дейінгі тергеп-тексеруді бастады.

Сот оны кінәлі деп тауып, бір жыл мерзімге бас бостандығын шектеу жазасын тағайындады.

Сот үкімі күшіне енді.  

Өзекті жаңалықтарды өз уақытында оқу үшін Facebook парақшамызға жазылыңыз!