Жетісуда қар құрсауынан 30 адам құтқарылды
![Жетісуда қар құрсауынан 30 адам құтқарылды](/userdata/news/news_75769/image_l.jpg)
Жетісу облысында қар құрсауынан 30 адам құтқарылды, - деп хабарлайды Massaget.kz тілшісі ТЖМ баспасөз қызметіне сілтеме жасап.
16 желтоқсанда сағат 07.40-та облыстың Төтенше жағдайлар департаментіне Алакөл ауданы Достық-Үшарал тасжолының "Ырғайты" учаскесінде ауа райының қолайсыздығына - қарлы боран мен жол көрінбеуіне байланысты бірнеше көлік жолда қалып қойғаны хабарланған.
Сағат 15.30-да Жетісу облысы Төтенше жағдайлар департаментінің 12 қызметкері 14 автокөлік салонынан үш техникамен 24 адамды құтқарып, Үшарал мен Достыққа жеткізілді.
"Осымен бірге сол күні таңертең Достық-Үшарал тасжолында 15 желтоқсанда кешке қар құрсауында қалған үш көліктен Достық-Үшарал тасжолында тұрып қалған 6 адам құтқарылды. Құтқарылғандардың ешқайсы зардап шеккен жоқ және медициналық көмекті қажет етпеді", - делінген ведомство хабарламасында.
Жетісу облысының Төтенше жағдайлар департаменті қала тұрғындарын алыс сапарға шығарда ауа райы жағдайларымен танысып, қауіпсіздік ережелерін сақтауға шақырды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Е. Төлеш