Жетісу облысында із-түссіз жоғалып кеткен қыз үш күннен кейін өлі табылды

Фото: Tengrinews.kz

18 шілде 2024, 20:19

14 шілде күні Жетісу облысында 20 жастағы қыз жоғалып кетті. Үш күннен кейін оның денесі зорлық-зомбылық көрсеткен өлім белгілерімен табылды, - деп хабарлайды Massaget.kz тілшісі полиция департаментінің баспасөз қызметіне сілтеме жасап.

Қыздың мәйіті қараусыз қалған үйдің ауласынан табылды. Өлер алдында ол зорланған.

"Кісі өлтіру және жыныстық қатынасқа қарсы қылмыс жасады деген күдікті ұсталып, қамауда отыр. Сотқа дейінгі тергеу жүргізіліп жатыр. Өзге деректер жарияланбайды. Іс бақылауда", - деп хабарлады Жетісу полиция департаментінің баспасөз қызметі.

Аптаның басты оқиғалары мен пайдалы видеоларды көру үшін YouTube арнамызға жазылыңыз

М. Лұқпан