Жетісу облысында түрлі қылмыстан зардап шеккендерге 4,5 миллион теңге өтемақы төленді
![Жетісу облысында түрлі қылмыстан зардап шеккендерге 4,5 миллион теңге өтемақы төленді](/userdata/news/news_84771/image_l.jpg)
Жетісу облысының полицейлері заңнама нормаларына сәйкес, түрлі қылмыстан зардап шеккендерге шамамен 4,5 миллион теңге өтемақы төледі, - деп хабарлайды Massaget.kz тілшісі.
"Жәбірленушілерге өтемақы қоры туралы заңның қабылдануымен Қазақстанда қылмыстан зардап шеккендерге материалдық көмек көрсететін мекеме құрылды. Өтемақы жәбірленушіні әлеуметтік қолдауға арналған және бір реттік ақшалай төлем түрінде жүзеге асырылады. Төлемдер қылмыстардан материалдық зардап шегіп, келтірілген зиянның орнын толтыруға мүмкіндігі жоқ (соның ішінде ашылмаған қылмыстар үшін) адамдарды қолдауға бағытталған", - деді Жетісу облысы полиция департаменті тергеу басқармасының бастығы Руслан Чарапиев.
ҚР Қылмыстық кодексінің 46-бабы бойынша көрсетілген 124 құқық бұзушылық үшін төлемдер қарастырылған.
Зардап шеккендерге бір реттік қаржылық төлемдер 2020 жылдың шілдесінен бастап түсе бастады.
"Өтемақы мөлшері қылмыстық құқық бұзушылықтың санатына қарай 30-дан 50 айлық есептік көрсеткішке дейін болады. Биыл өңірдің 30 тұрғынына ақшалай бір реттік өтемақы төленді. Төлемдердің жалпы сомасы - 4 424 430 теңге", - деді Руслан Чарапиев.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан