Жетісу облысында трактор пойызға соғылып, бір адам мерт болды

Фото: Жетісу облысы полиция департаментінің баспасөз қызметі

23 қаңтар 2023, 19:11

Жол апаты Қаратал ауданында болған, Қанабек ауылындағы теміржол өткелінде тауар пойызы тракторды қағып кеткен, - деп хабарлайды Massaget.kz тілшісі.

Оқиға орнынан аудандық ауруханаға зардап шеккен екі адам жеткізілді, олардың бірі 41 жастағы ер кісі дәрігерлердің күш-жігеріне қарамастан, қайтыс болды. Ал 18 жастағы жігіт медициналық тексеруден өтіп жатыр. Екеуі де трактор салонында болған.

ЖКО орнында полиция қызметкерлері жұмысын жалғастырып жатыр. Дерек бойынша ҚР Қылмыстық кодексінің 345-бабында көзделген сотқа дейінгі тергеу амалдары басталды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

М. Лұқпан