Жетісу облысында заңсыз ойын бизнесін ұйымдастырғандар әшкере болды, - деп хабарлайды Massaget.kz тілшісі.
Құмар ойындарын ұйымдастырған төрт адамның заңсыз қызметі тоқтатылған. Соталды тергеп-тексеру барысында облыстың төрт тұрғыны TikTok желісіндегі тікелей эфирлерде заңсыз карта ойындарын ұйымдастырғаны анықталған.
Құқыққа қайшы әрекет нәтижесінде олар 95 млн теңге көлемінде заңсыз табыс тапқан.
ҚР Қылмыстық кодексінің 307-бабы 3-бөлігі бойынша қылмыстық іс тіркелген. Сот үкімімен олар кінәлі деп танылып, мүлкі тәркіленіп, 4 жылға бас бостандығынан айырылды.
Үкім заңды күшіне енген жоқ.
Instagram парақшамызға жазылып, ең қызықты ақпараттарды бірінші болып оқыңыз!