Жетісу облысында толассыз жауған жаңбырдан кейін ауылдарды су басты - видео
![Жетісу облысында толассыз жауған жаңбырдан кейін ауылдарды су басты - видео](/userdata/news/news_88698/image_l.jpg)
Жетісу облысында толассыз жауған жаңбырдан кейін ауылдарды су басты, - деп хабарлайды Massaget.kz тілшісі.
"Бүгін, 12 тамызда Жетісу облысының Ескелді ауданы Ешкіөлмес ауылында қатты жауған жауын-шашын салдарынан елді мекеннің төрт көшесінің аула аумағын су басып, еңіс ағын пайда болды", - делінген ТЖМ хабарламасында.
Оқиға орнында облыстық ТЖД күштері жұмылдырылғаны айтылды.
"Су басқан аумақтардың тұрғындарын ішінара эвакуациялау жүргізіліп жатыр. Бұл жерге Талдықорған қаласынан қосымша күштер жіберілді. Зардап шеккендер жоқ", - делінген хабарламада.
Желіде тұрғындар түсіріп алған сурет, видеолар тарады. Кадрлардан көліктердің суға батып жатқаны көрінеді.
Посмотреть эту публикацию в Instagram
Мына видеодан көшені толықтай су алып кеткені көрінеді. Үштөбеге баратын тасжолды да жаңбыр суы жайып жатқаны айтылған.
Посмотреть эту публикацию в Instagram
Тағы бір кадрларда видео авторы Ескелді ауданы Абай ауылындағы жағдайды көрсеткен. Онда да көшені толықтай су басып жатқаны байқалады.
Посмотреть эту публикацию в Instagram
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Д. Шәріпхан