Кеше кешке “Алматы-Өскемен” тасжолының 432-шақырымында екі көлік соқтығысты. Адамшошырлық апаттан бес адам қаза тапты, - деп хабарлайды Massaget.kz тілшісі Жетісу облыстық полиция департаментінің баспасөз қызметіне сілтеме жасап.
Полицияның мәліметінше, екі жүргізуші мен үш жолаушы оқиға орнында тіл тартпай кеткен. Тағы екі жолаушы түрлі жарақаттармен медициналық мекемеге жеткізілді.
“Жол апаты дерегі бойынша қылмыстық іс қозғалды. Соталды тергеу амалдары жүргізіліп жатыр, оның аясында оқиғаның барлық мән-жайы мен себебі анықталып жатыр”, - деп мәлімдеді департамент өкілдері.
Полиция жүргізушілерді жол қозғалысы ережелерін мүлтіксіз сақтауға, қауіпсіз жылдамдықты таңдауға, арақашықты сақтауға және рөлде барынша мұқият болуға шақырады.
Сонымен қатар, апат болған жерден түсірілген кадрлар әлеуметтік желілерде пайда болды.
Өткен жексенбіде Астана — Қорғалжын тасжолында Kia, Toyota Fortuner және Toyota Land Cruiser маркалы үш автокөлік соқтығысқан еді. Соның салдарынан бес адам қаза тапты.
Аптаның басты оқиғалары мен пайдалы видеоларды көру үшін YouTube арнамызға жазылыңыз