Жетісу облысында емдеу мекемесі қауіпті қалдықты пайдаланған

Жетісу облысында прокурорлар медициналық қалдықтарды заңсыз жою деректерін анықтады, - деп хабарлайды Massaget.kz тілшісі прокуратураға сілтеме жасап. 

Талдықорған қаласындағы емдеу мекемелерінің бірінің "Г" санатындағы (токсикологиялық, оның ішінде құрамында сынап бар қалдықтар) қауіпті қалдықтарын осы қызметке заңды негізі жоқ "M" мердігер ұйым кәдеге жаратқан.

Прокурорлар жеке кәсіпкердің қалдықтардың осы түрін кәдеге жарату құқығын беретін жалған мемлекеттік лицензияны пайдаланғанын анықтады.

Прокурорлар қозғаған қылмыстық іс бойынша кінәлі адам жалған құжат жасағаны және көрінеу жалған құжат пайдаланғаны үшін сот үкімімен сотталды (ҚР Қылмыстық кодекстің 385-бабының 1-бөлігі және 3-бөлігі).

 Үкім заңды күшіне енді.

Қызықты жаңалықтар мен видеоларды көру үшін TikTok арнамызға жазылыңыз!