Жетісу облысында бір әйел алаяқтық жасағаны үшін 7 жылға бас бостандығынан айырылды, - деп хабарлайды Massaget.kz тілшісі.
Бірнеше рет алаяқтық жасаған күдіктіні полиция Жетісу облысы прокуратурасының үйлестіруімен ұстады.
2 жыл бойы өзін банк қызметкері ретінде таныстырған әйел халықтың сеніміне кіріп, оларға ауыл шаруашылығын дамытудың мемлекеттік бағдарламасы бойынша несие және тегін субсидиялар алуға көмектесе алатынын айтқан.
13 адам алаяқтың құрбаны болған, ол 12 миллион теңгеден астам шығын келтірген.
Жетісу облысының прокуратурасы азаматтарды қырағы болуға, гранттар, субсидиялар немесе несиелер алған кезде кездескен мұндай жағдайлар туралы хабарлауға үндеді.
Қызықты жаңалықтар мен видеоларды көру үшін TikTok арнамызға жазылыңыз!