Желіде есірткі қосылған тәтті туралы жалған ақпарат тарады
![Желіде есірткі қосылған тәтті туралы жалған ақпарат тарады](/userdata/news/news_73572/image_l.png)
Алматылықтар есірткі қосылған тәтті туралы жалған ақпарат таратып жатыр, - деп хабарлайды Massaget.kz тілшісі.
Whatsapp-та әйелдің алматылықтарға балабақшалар мен мектептердің маңында есірткі қосылған тәттілер таратылып жатқанын ескерткен фото және аудио хабарламасы тарады. Әйел тәттілердің құрамында есірткі бар деген болжам жасайды. Оның айтуынша, балалар тәттілерді жегеннен кейін, ауруханаларға түсіп, тіпті қаза тауып жатыр.
Алматы полициясының баспасөз қызметі өкілдері хабарламаға қатысты пікір білдірді.
"Алматы қалалық полиция департаменті өкілдері бұл жалған хабарлама екенін мәлімдейді.
Біз азаматтарды жалған ақпарат таратпауға шақырамыз. Бұл әрекеттер қылмыстық жауапкершілікке әкеп соғады", - делінген хабарламада.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек