Атырауда кейінгі жылдардағы жантүршігерлік қылмыстардың бірі бойынша сот басталады, - деп хабарлайды Massaget.kz тілшісі "Ақ Жайық" басылымына сілтеме жасап.
Облыстық қылмыстық істер жөніндегі мамандандырылған ауданаралық сотқа Жангелдин ауылындағы отбасының өлімі бойынша қылмыстық іс түскен.
Істі судья Зарема Хамидуллина қарайды. Кейінгі бірнеше жыл қатарынан оған аймақтағы ең ауыр қылмыстық процестер жүктеліп келеді.
Бірінші сот отырысы 18 мамырға сағат 11.00-ге тағайындалды. Сот процесі ашық режимде өтеді.
Бұл іс бойынша басты айыпталушы - Сұлтан Сәрсемәлиев. Қазір ол Атыраудағы тергеу изоляторында отыр.
Еске салайық, 2025 жылы 25 желтоқсанда Атырау облысының полициясына бір отбасы жоғалғаны туралы арыз түскен. Туыстарының айтуынша, отбасы қарашадан бері байланысқа шықпаған. Төртеуіне де жоғалып кеткен адамдар ретінде іздеу жарияланды:
Бұл дерек бойынша соталды тергеп-тексеру басталып, жедел тергеу тобы құрылды.
6 қаңтарда ерлі-зайыпты сарайдың ішінен өлі табылды. 8 қаңтарда ерлі-зайыптыны ақтық сапарға шығарып салу рәсімі өтті. Осыдан кейін іс адам өлтіру дерегі бойынша қайта сараланып, марқұмдардың балаларын іздеу жұмыстары жалғасты. Кейін олар да өлі табылды.
Қылмыс жасады деген күдікпен 29 жастағы ер адамға, яғни осы отбасының бұрынғы күйеу баласына халықаралық іздеу жарияланды. Онымен бірге ерлі-зайыптының кіші қызына да халықаралық іздеу жарияланды. Бұрын ол күдіктімен некеде тұрған.
Күдікті Сұлтан Сәрсемәлиевті іздестіру ісі 8 қаңтарда Атырау облысында тіркелді. Іске бастамашы болған - ІІМ. Бұл істі Атырау облысы Полиция департаменті жүргізді.
24 ақпанда ҚР ІІМ Атырау облысындағы қос кісі өлтіру ісі бойынша күдіктіні және марқұмдардың кіші қызын Индонезияда ұстағаны белгілі болды. Марқұмдардың қызы да күдікті ретінде танылды.
Кейінірек ІІМ баспасөз қызметі күдікті Сұлтан Сәрсемәлиевке қатысты Қылмыстық кодекстің мына баптары бойынша тергеу жүргізіліп жатқанын хабарлады:
Instagram парақшамызға жазылып, ең қызықты ақпараттарды бірінші болып оқыңыз!