Атырау облысы Жангелдин ауылында қайтыс болған ерлі-зайыптының өліміне байланысты күдіктіге іздеу жарияланды, - деп хабарлайды Massaget.kz тілшісі.
Атырау облысы Полиция департаментінің баспасөз қызметі мән-жайды айтты.
"Қылмысқа күдікті - Атырау облысы Махамбет ауданының 29 жастағы тұрғыны. Сондай-ақ, өзге де адамдардың қатысы бар-жоғы тексеріліп жатыр", - деді Атырау облысы ПД өкілі.
Еске салайық, 25 желтоқсанда Атырау облысының полициясына қала тұрғынынан ағасы мен оның отбасы бір айдан аса уақыттан бері хабар-ошарсыз кеткені туралы арыз түскен.
Атырау облысы ПД
6 қаңтарда ерлі-зайыпты өлі табылды. Олардың ұл-қызы әлі іздестіріліп жатыр.
"Бұл дерек бойынша адам өлтіру белгілерімен қылмыстық іс қозғалды. Күдіктілер анықталды. Қазір оларды іздеу және ұстау мақсатында құқық қорғау органдары жедел іздестіру іс-шараларын жүргізіп жатыр", - деді бұған дейін полиция.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова