"Жанармай қымбаттағаны үшін митингіге шықты". Полиция жалған ақпарат таратқандарды анықтады

Әлеуметтік желіде 13 сәуірге қараған түні Түркістан облысында тұрғындар жанармай қымбаттауына байланысты митингіге шыққаны туралы видео тарады. Алайда полиция бұл ақпарат жалған екенін анықтады, - деп хабарлайды Massaget.kz тілшісі Полиция департаментінің баспасөз қызметіне сілтеме жасап.

Тараған ақпаратқа байланысты оқиға орнына түнгі сағат 4.30-да барған Сайрам ауданы құзырлы органдары бұл жағдай жалған екенін анықтаған. Яғни 12 сәуірде автожарыс ұйымдастырылған. Бұл жайтты полицейлер анықтап, оларды үйіне таратқан.

Полицейлер Түркістан облысындағы Батыс Қытай - Батыс Еуропа тасжолындағы заңсыз автожарыс өткізілген жерден митинг өткізілгені туралы жалған ақпаратты видеоға түсіріп, таратқан Сайрам ауданының екі тұрғынын анықтаған.

ҚР Қылмыстық кодексінің 274-бабы "Көрінеу жалған ақпарат тарату" бойынша соталды тергеу жүргізіліп жатыр. Оқиғаның барлық мән-жайы анықталып жатқаны хабарланды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!