Жаңа оқу жылының санитарлық талаптары

Биыл Қазақстан мектептері дәстүрлі білім беруге өтпек. Оқушылардың барлығы мектепке барып оқиды. Басты талап – санитарлық талаптарды ұстану. 1 қыркүйек – Білім күні де мектепте өтпек.

Ендеше Білім және ғылым министрлігі мен елдің бас санитарлық дәрігерінің қаулысына сай мектепте қандай тәртіп сақталуы тиіс – соған тоқталайық.

Ең алдымен мектепке тек денсаулығы түзу, аурудан аман оқушылар ғана келеді. Егер коронавирус белгілері байқалған оқушылар сыныппен түгел қашықтан оқуға көшеді. Санитарлық-эпидемиологиялық жағдайларды ескере отырып науқаспен байланыста болған оқушылар болған жағдайда оларға синхронды қашықтан оқыту форматы ұйымдастырылады. Ата-аналардың өтініштері негізінде созылмалы науқастары бар балаларға медициналық ұйым анықтамалары негізінде асинхронды қашықтан оқыту форматы ұсынылады.

Сабақтың ұзақтығы – 45 минут.

Негізгі талаптар келесідей:

- оқушылар күнде термометриден өтеді

- маска режімі сақталады

- уақыт сайын кабинетте кварцтеу жүргізіледі, желдетіліп, басқа да дезинфекциялау жұмыстары жасалады

- бұқаралық және қоғамдық іс-шараларды шектеледі

- бастауыш және жоғарғы сыныптарды араластырмау үшін уақыт сайын үзіліс беріледі,

- оқушылар ауысып оқиды

- педагогтар мен мектептердегі басқа да қызметкерлердің 100% вакцина алуы (медициналық қарсы көрсетілімі жоқ мұғалімдерді қоспағанда),

- бір кабинетте бір сынып қана отырады.