Психолог әрі қарым-қатынас коучы Тереза Эрреро Маортуа Жаңа жыл қарсаңында жұптар жиі ұрысып қалатынын айтты. Оның сөзінше, бұл кезде міндеттер көбейеді және олар бір-бірінен көпнәрсе күтіп қалады. Hola басылымына берген сұхбатында ол мереке алдындағы жанжал шығармаудың жолдарын ұсынды, - деп хабарлайды Massaget.kz тілшісі.
"Ең алдымен, эмоцияға аса берілмеу керек. Серіктесіңіз шағым айтқанда жауап бермес бұрын терең дем алыңыз немесе бір минутқа бөлмеден шығып, сергіп келген соң жауап қатыңыз", - деді Маортуа.
Екіншіден, ол ұрыс кезінде бірнәрсені өзіңізше жорамалдамауға және серіктестің сөзін өз ыңғайыңызға өзгертіп алуға тырыспауға кеңес берді. Оның орнына адамның нақты не айтқысы келетінін тура сұраған дұрыс. Бұл тәсіл түсінбеушіліктің алдын алуға көмектеседі.
"Бірден тап беріп шабуылдамай, қажеттілігіңізді түсіндіріңіз", - деп тағы бір ұсыныс айтты психолог.
Сөз аяғында ол эмпатия танытуға, сондай-ақ ұрыс кезінде бұрынғы реніштерді қайта қазбаламауға шақырды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек