Жетісу облысында жоғалып кеткен шопан мен отар қойлары табылды, - деп хабарлайды Massaget.kz тілшісі Polisia.kz мәліметіне сілтеме жасап.
2025 жылдың 3 қаңтарында Аксу ауданында 31 желтоқсаннан бері жоғалып кеткен 59 жастағы шопан мен 150-ден астам отар қойлары табылды.
"Ер адам Матай ауылдық округінен қой жаюға шыққан, алайда Жаңа жыл қарсаңында онымен байланыс үзілген.
Полицейлер, құтқарушылар мен жергілікті тұрғындар күштерін біріктіріп, үйлесімді әрекеттерінің арқасында шопан мен оның қойлары аман-есен табылды", - делінген хабарламада.
Еске салайық, бұған дейін алдағы күндері ауа райы қандай болатыны туралы болжам жарияланған болатын.
Аптаның басты оқиғалары мен пайдалы видеоларды көру үшін YouTube арнамызға жазылыңыз