Жамбыл облысында көлік нөмірін әдейі қағазбен жапқан жүргізуші жауапқа тартылды, - деп хабарлайды Massaget.kz тілшісі.
Полиция қызметкерлері Батыс Еуропа - Батыс Қытай тасжолының 487-шақырымында нөмірі анық көрінбеген KIA K5 көлігін байқап, тоқтатқан.
Тексеріс кезінде көліктің мемлекеттік нөміріндегі әріп-цифрлық белгілердің бір бөлігі қағазбен әдейі жабылғаны анықталған.
"Жүргізушіге заң аясында шара қабылданды. Көлік арнайы айып тұрағына қойылды", - деді ІІМ өкілдері.
Аптаның басты оқиғалары мен пайдалы видеоларды көру үшін YouTube арнамызға жазылыңыз