Жамбыл облысында Mercedes танкімен соқтығысты
![Жамбыл облысында Mercedes танкімен соқтығысты](/userdata/news/news_115097/image_l.png)
Фото:
Видео кадры
28 тамызда Жамбыл облысында Mercedes көлігі мен Т-72 танкісі соқтығысты. Жеңіл көлік жүргізушісі зардап шекті, - деп хабарлайды Massaget.kz тілшісі.
Оқиғаның мән-жайын Қорғаныс министрлігі хабарлады.
"Мәтібұлақ" оқу-жаттығу полигоны аумағында әскери техниканы жылжыту кезінде Mersedes автокөлігі жол қозғалысы ережесін бұзып, Т-72 танкімен соқтығысқан, әскери техника жүріп жатқан аумаққа "Танкіге жол бер" белгісі қойылған. Оқиғаға қатысты қызметтік тексеріс жүргізіліп жатыр", - деп хабарлады Қорғаныс министрлігі.
Ведомство көлік жүргізушісі жеңіл жарақат алғанын, ешқандай шағымы жоқ екенін, өзін ауруханаға жатқызудан бас тартқанын мәлімдеді.
Instagram парақшамызға жазылып, ең қызықты ақпараттарды бірінші болып оқыңыз!
М. Лұқпан