Жалпыға ортақ декларация: 3 мыңға жуық қазақстандықтың 71 елде жылжымайтын мүлкі бар

Елімізде жалпыға ортақ декларацияны тапсырғаннан кейін қазақстандықтардың шетелде қандай мүлкі бар екені анықталды,  - деп хабарлайды Massaget.kz тілшісі.

Барлығы 2021-2023 жылдарға 1 және 2-кезеңдерді декларациялау шеңберінде Мемлекеттік кірістер комитетінің мәліметтері бойынша қазақстандықтардың шетелде мынадай мүліктері мен қаражаты бар:

• Декларация тапсырған 1 170 жеке тұлға 80 елдегі шетелдік банктерде ақша сақтайды;
• 71 елде 2 976 жеке тұлға 3 959 жылжымайтын мүлікке иелік етеді;
• 295 заңды тұлғада 213 жеке тұлғаның үлесі бар;
• 21 елде 93 жеке тұлғаның 161 зияткерлік меншік объектісі бар – ең көбі Ресейде;
• 67 елде 1 421 жеке тұлғаның 1 657 көлігі бар.

Қызықты жаңалықтар мен видеоларды көру үшін TikTok арнамызға жазылыңыз!