Исекешев Президент Әкімшілігінің басшысы қызметіне тағайындалды
![Исекешев Президент Әкімшілігінің басшысы қызметіне тағайындалды](/userdata/news/news_54083/image_l.jpg)
Әсет Исекешев Президент әкімшілігінің басшысы қызметіне тағайындалды, деп хабарлайды Massaget.kz Ақордаға сілтеме жасап.
Ақорданың хабарламасында: "Әсет Өрентайұлы Исекешев Қазақстан Республикасы Президенті Әкімшілігінің Басшысы болып тағайындалсын, ол Астана қаласының әкімі қызметінен босатылсын", - делінген.
Әсет Өрентайұлы бүгінге дейін Астана қаласы әкімі болған-ды. Ал, ҚР Президент Әкімшілігінің басшысы болып Әділбек Жақсыбеков қызмет еткен еді.
Әсет Исекешев 1971 жылдың 17 тамызында дүниеге келген. 1994 жылы Әл-Фараби атындағы ҚазМҰУ-дің заң факультетін бітірген. 1998 жылы Қазақстан Республикасының Президенті жанындағы Жоғары мемлекеттік басқару мектебін тәмәмдаған.
Қазақстан Республикасы Стратегиялық жоспарлау және реформалар агенттігінде, Қазақстан Республикасы Экономика және бюджеттік жоспарлау министрлігінде жұмыс істеді.
2003-2006 жылдары Қазақстан Республикасы Индустрия және сауда вице-министрі.
2006-2007 жылдары «Қазына» тұрақты даму қоры» АҚ Басқармасы төрағасының орынбасары. 2007- 2008 жылдары «Credit Swiss (Қазақстан)» компаниясының қаржылық жобалар маркетингі жөніндегі директоры.
2008 жылғы ақпаннан 2009 жылғы мамыр аралығында Қазақстан Республикасы Президентінің экономикалық мәселелер жөніндегі көмекшісі.
2009 жылғы мамырдан бастап Қазақстан Республикасы Индустрия және сауда министрі.
2010 жылдың наурызынан бастап Қазақстан Республикасы Премьер-Министрінің орынбасары - Индустрия және жаңа технологиялар министрі.
2012 жылдың қаңтар айынан бастап Индустрия және жаңа технологиялар министрі.
2012 жылдың қыркүйегінен Қазақстан Республикасы Премьер-Министрінің орынбасары - Қазақстан Республикасы Индустрия және жаңа технологиялар министрі.
2014 жылдың 06 тамызынан бастап Инвестициялар және даму министрі.
2016 жылғы 21 маусымнан бастап Қазақстан Республикасы Президентінің № 288 Жарлығымен Астана қаласының әкімі болып тағайындалды.
Ал бүгінге дейін, ҚР ПӘ басшысы қызметінің тізгінін Әділбек Жақсыбеков ұстаған-ды.
Е. Жұмабайұлы