Иманбектің суреті Нью-Йорктегі Таймс-скверде пайда болды

Қазақстандық диджей, "Грэмми" премиясын алған Иманбек Зейкеновтің суреті Нью-Йорктегі Таймс-скверде экранда пайда болды. Бұл туралы музыкант өзінің Instagram парақшасында жариялады, - деп хабарлайды Massaget.kz тілшісі.

Иманбек суретті орналастырғаны үшін 300 Entertainment және Effective Records дыбыс жазу студияларына алғыс білдірді.

Посмотреть эту публикацию в Instagram

Публикация от Imanbek Musiс (@imanbekmusic)

Экранда Иманбек пен американдық әнші Тревор Дэниелдің "In The Morning" деп аталатын жаңа әні жарнамаланды.

Бродвей мен Жетінші даңғыл қиылысында орналасқан Таймс-сквер - әлемдегі ең көп адам баратын көрнекті орындардың бірі. Бұл жер "әлемнің қиылысы" деп аталады, ол - Нью-Йорк пен бүкіл Америка Құрама Штаттарының символы.