iPhone 14 қашан шығатыны айтылды
![iPhone 14 қашан шығатыны айтылды](/userdata/news/news_70780/image_l.jpg)
Фото:
© РИА Новости
Apple корпорациясы 7 қыркүйекте жаңа құрылғыларды таныстыру шарасын өткізуді жоспарлап отыр, - деп хабарлайды Tengrinews.kz тілшісі Daily Mail басылымына сілтеме жасап.
iPhone 14 смартфондары мен басқа да жаңа өнімдерді ұсынатын Apple компаниясының іс-шарасы туралы бірінші болып Bloomberg хабарлаған болатын. Басылым аноним дереккөздерге сілтеме жасады.
Пандемия кезіндегідей, компания іс-шараны онлайн трансляцияда көрсететіні айтылды.
Іс-шарада iPhone 14, iPhone 14 Max, iPhone 14 Pro және iPhone 14 Pro Max смартфондары, Apple Watch-тің үш жаңа моделі және жаңа iPad таныстырылады деп күтіледі.
iPhone 14 қыркүйектің ортасында сатылымға шығады деген болжам бар. Кейбір Apple Store қызметкерлеріне 16 қыркүйекке дайындалуға кеңес берілген.
А. Құлтай