Халықаралық іздеуде жүрген қылмыскер ұсталды
![Халықаралық іздеуде жүрген қылмыскер ұсталды](/userdata/news/news_99518/image_l.png)
Қарағанды облысында полиция халықаралық іздеуде жүрген гастролер-ұрыны ұстады, - деп хабарлайды Massaget.kz тілшісі polisia.kz сайтына сілтеме жасап.
19 қаңтар Қарағанды және Михайлов полиция бөлімінің криминалдық полиция және жылдам қимылдайтын арнайы жасақ қызметкерлерінің жүргізген кешенді жедел-іздестіру іс-шаралары барысында қаладағы жалдамалы пәтерлердің бірінен халықаралық іздеуде жүрген 33 жастағы күдікті ұсталды. Ұсталған азамат Алматы, Астана және Қарағанды қалаларында бірнеше ұрлық жасады деген күдікке ілінген.
Тергеу әрекеттері барысында азамат Қарағанды қаласында жасаған үш қылмысы бойынша мойындау көрсетпе белгілерін берді.
Күдікті уақытша ұстау изоляторына қамалып, тергеу әрекеттері жүргізіліп жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
А. Жайыққызы