ҚР Ұлттық Олимпиада комитетінің басшысы Геннадий Головкин синхронды секірудегі фристайл-акробатика спортшыларын Азия ойындарындағы тарихи алтынмен құттықтады, - деп хабарлайды Massaget.kz тілшісі Olympic.kz сайтына сілтеме жасап.
"Роман Иванов пен Шерзод Хаширбаевты Харбиндегі Азия ойындарындағы алтын медальдарыңызбен шын жүректен құттықтаймын! Сіздердің бүгінгі көрсеткен өнерлеріңіз нағыз жеңіске лайық! Ең мықты спортшылармен күресте сіздер табандылық, шыдамдылық пен батылдықтың биік шыңдарға жетелейтінін дәлелдедіңіздер. Сіздер көрсеткен ерекше қабілеттер бүкіл Қазақстан тарихындағы еркін спортшыларды одан сайын шабыттандыра түсті. Азия ойындарында жеңіс тұғырының ең биік сатысына көтерілу – бұл спорт тарихында мәңгілік қалатын айтулы сәт. Бапкерлеріңіз Бағлан Іңкәрбекке де еңбегі мен сенімі үшін алғыс айтамыз" – деді Геннадий Головкин.
Бұған дейін Қазақстанның еркін акробатикадан әйелдер құрамасы синхронды секіруден Аяна Жолдас пен Ардана Маханова 2025 жылғы Азия ойындарында қола жүлдені жеңіп алған болатын.
Өзекті жаңалықтарды өз уақытында оқу үшін Facebook парақшамызға жазылыңыз!
Д. Литпин