Головкин Канеломен жекпе-жек туралы мәлімдеме жасады
![Головкин Канеломен жекпе-жек туралы мәлімдеме жасады](/userdata/news/news_68788/image_l.jpg)
Қазақстандық Геннадий Головкин (42-1-1, 37 КО) мексикалық Сауль "Канело" Альвареске (57-2-2, 39 КО) қарсы үшінші жекпе-жек туралы ойын айтты, - деп хабарлайды Vesti.kz.
Боксшы бұл туралы Нью-Йорктегі баспасөз мәслихатында мәлімдеді.
"Бұл жерде Канеломен қарсылас болғаным жақсы. Бұл біз үшін де, бокс әлемі үшін де керемет жекпе-жек. Мен өз сөзімнен бас тартпадым. Бізде 17 қыркүйектегі жекпе-жек бар, сол кезде осы тақырыпты жауып, барлық мәселені шешеміз. Айтылған да, айтылмаған да орындалады", - деді Головкин.
"Әр боксшы жеңіске жетуге тырысады. Әсіресе, мұндай қарсыласты жеңу. Біздің әлі шешілмеген мәселелеріміз бар", - деп қосты ол.
"Мен сол күні өзімнің үздік нұсқамды көрсететініме сөзсіз кепілдік беремін. Қолымнан келгеннің бәрін көрсетемін, бұл менің ең жақсы нұсқам болады", - деп түйіндеді GGG.
Трилогия 17 қыркүйекте Лас-Вегастағы (Невада, АҚШ) T-Mobile аренасында өтеді. Боксшылар екінші орта салмақта жұдырықтасады.
Е. Төлеш