Ұйымдасқан қылмысқа қарсы күрес басқармасы әлеуметтік газ ұрлаған қылмыстық топты ұстады, - деп хабарлайды Massaget.kz тілшісі.
Ақтөбе облысы полиция департаментінің ұйымдасқан қылмысқа қарсы күрес басқармасы прокуратура және ҰҚКД-мен бірлесіп, өңірде кен орнының аумағынан әлеуметтік газ ұрлау схемасын ұйымдастырған бір топ адамды ұстады.
Ведомство мәліметінше, олар - газ өндіру саласындағы компаниялардың бірінің жұмысшылары.
"Олар есепке алынбаған газды жинақтап, кейін теміржол арқылы тасымалдаған. Кен орнынан сату орнына бара жатқан жолда ұрланған газы бар 12 вагон ұсталды. Тиісті сараптамалар тағайындалды, нәтижелері бойынша келтірілген шығынның сомасы белгіленеді. Жедел тергеу іс-шаралары жалғасып жатыр", - деді ІІМ ұйымдасқан қылмысқа қарсы күрес департаментінің өкілі Қуандық Алпыс.
Еске салайық, бұған дейін Қарағандыда пәтер тонаумен айналысқан қылмыстық топ ұсталғаны хабарланды.
Instagram парақшамызға жазылып, ең қызықты ақпараттарды бірінші болып оқыңыз!
Ж. Қадыржанова