Қытайда ғарышқа ұшу үшін арнайы билеттер сатыла бастады, - деп хабарлайды Massaget.kz тілшісі.
Бұл туралы ақпаратты Қытайдың Deep Blue Aerospace компаниясы таратты. Компания коммерциялық суборбиталық ұшуларға билет сатуды бастағанын мәлімдеді.
Билеттің құны 1,5 миллион юань. Бұл шамамен 102 000 000 теңге болады. Ғарышқа ұшатын алғашқы тұрақты рейстер 2027 жылға жоспарланған.
Айта кетейік, компанияның ғарыш кемесі тек алты жолаушыға лайықталып жасалған. Ғарышқа ұшқысы келетіндерді ғарыш кемесі 150 шақырым биіктікке көтереді.
Жер планетасының тұрғындары ғарышта шамамен 10 минут салмақсыздық жағдайында болады.
Instagram парақшамызға жазылып, ең қызықты ақпараттарды бірінші болып оқыңыз!