Ғалымжан Молданазар: “Ол кісілерден кешірім сұраймын“

Ерекше ән орындау стилімен танылған қазақстандық әнші Ғалымжан Молданазар концертіне келген тыңдармандарынан кешірім сұрады, - деп хабарлайды Massaget.kz тілшісі.

Әншінің кешірім сұрауына денсаулығына байланысты концерттің ортасында есінен танып, құлап қалғаны себеп болған. Өнер иесі бұл туралы Revue News бағдарламасына берген сұхбатында айтты. 

"Жақында Астанада концерт өткізген едік. Білетін адамдар болса, көріп отырған адамдар болса, бәрінен кешірім сұраймын. Денсаулығыма байланысты концерттің ортасында есімнен танып, құлап қалдым. Сол үшін ол кісілерден кешірім сұраймын", - деген әнші өкінішін білдірді. 

Ғалымжан Молданазар денсаулығына байланысты шығармашылықтан үзіліс алуға мәжбүр болғанын мойындады. 

Еске салайық, бір сұхбатында Moldanazar деген атпен танымал әнші Ғалымжан Молданазар қазақ тілін үйрену мәселесін қозғап, орысша сөйлей алмайтыны туралы айтқан болатын. 

Қызықты жаңалықтар мен видеоларды көру үшін TikTok арнамызға жазылыңыз!