Адамға қанша жаста үйлену керек деген сұрақ қойылса, адамдардың пікірі екіге бөлінеді. Осыған байланысты неміс ғалымдары өмірлік серікті таңдағанда жас айырмашылығы қанша болу керегін анықтады. Сарапшылар бірнеше нұсқа шығарып, оңтайлы жас айырмашылығын таңдады, - деп хабарлайды Massaget.kz тілшісі Vesti.kz-ге сілтеме жасап.
Некеге тұрудың оңтайлы жасы көптеген факторға байланысты болуы мүмкін:
Ростоктағы (Германия) демографиялық зерттеулер институтының ғалымдары неке жасының өмір сүру ұзақтығына қалай әсер ететінін анықтауға тырысты.
"Данияда ер адамдар үйленетін әйелдерден орта есеппен үш жас үлкен. Ерлі-зайыптылардың өлім-жітімге қатысты жас айырмашылығы туралы алдыңғы зерттеулер жас жұбайдың болуы пайдалы, ал үлкен жұбайының болуы өз өмір сүруіне зиянды екенін көрсетті.
Егер білім мен әл-ауқат сияқты факторлар саналмаса, нәтижелер жас жұбайдың болуы ерлер үшін пайдалы, бірақ әйелдер үшін зиян екенін көрсетеді, ал үлкен жұбайының болуы екі жынысқа да зиянды", - дейді ғылыми зерттеу авторлары.
Зерттеу үшін екі миллион адамның жеке дерегі пайдаланылды: ер адамдардың көпшілігі әйелдерінен екі-үш жас үлкен, ал әйелдердің көпшілігі күйеулерінен екі жас кіші.
50 жастан асқан барлық үйленген ер адамның шамамен 75 пайызы өздерінен бір жас кіші әйелдерге үйленген. Барлық ер адамның тек 10 пайызы әйелдерінен кем дегенде бір жас кіші.
50 жастан асқан әйелдердің көпшілігінің күйеуі (65 пайыз) өзінен үлкен, ал тек 15 пайызының күйеуі олардан бір жасқа кіші.
Зерттеу барысында келесі заңдылық анықталды: әйелі жұбайымен салыстырғанда неғұрлым жас болса, күйеуінің өлім-жітімі соғұрлым аз болады. Керісінше, әйелі жұбайымен салыстырғанда неғұрлым үлкен болса, күйеуінің өлім-жітімі соғұрлым көп болады.
Өлім қаупінің ең төмен деңгейі күйеуімен құрдас әйелдерде байқалады.
Осылайша, әйелдер үшін ең жақсы нұсқа - құрдастар, ал ер адамдар үшін - өзінен кіші қыздар.
Instagram парақшамызға жазылып, ең қызықты ақпараттарды бірінші болып оқыңыз!