Алматылық "Қайрат" футзалдан Чемпиондар лигасының элиталық раундының екінші турында хорватиялық "Ольмиссумды" жеңді, - деп хабарлайды Massaget.kz тілшісі.
Матч 1:0 есебімен аяқталды. 26-минутта "Қайрат" сапынан Эдсон гол соқты.
Осы жеңістің арқасында "Қайрат" алты ұпай жинап, В тобындағы көшбасшылығын нығайтты.
Айта кетейік, бұған дейін отандық команда франциялық "Этуальді" 4:2 есебімен жеңген еді.
"Қайрат" соңғы турда Хорватияның "Футзал Динамо" клубымен ойнайды.
"Қайрат" топтағы бірінші орынды сақтап қалса, Еуропаның төрт үздік командасы (басқа топтардағы тағы үш жеңімпаз) ойнайтын Чемпиондар лигасының финалдық турниріне жолдама алады.
Өзекті жаңалықтарды өз уақытында оқу үшін Facebook парақшамызға жазылыңыз!