Еуропада қазақстандық ер адам жұмбақ жағдайда жоғалып кетті
![Еуропада қазақстандық ер адам жұмбақ жағдайда жоғалып кетті](/userdata/news/news_83288/image_l.png)
Қазақстандық Павел Побединский Варшавадан Ыстамбұлға ұшуға тиіс болған, бірақ үйіне қайтып бара жатқанда ер адам із-түзсіз жоғалып кеткен, - деп хабарлайды Massaget.kz тілшісі.
Жоғалған ер адамның әйелі ол 10 мамырда сағат 14:25-те Варшава әуежайынан Lufthansa LH-1300 рейсімен Ыстамбұлға ұшуы керек болғанын айтты. Сол кезде Павел соңғы рет байланысқа шыққан.
"Біз оған Варшавадан Ыстамбұлға билет алдық, ол жерден Алматыға билет алуы керек еді, соңғы рет Варшава әуежайында сөйлескен едік, содан кейін ол байланысқа шықпады. Варшавада оның телефоны өшіп қалды, біз оның ұшып-ұшпағанын білмейміз", - дейді жоғалған ер адамның әйелі Гүлмира Егімбаева.
Ер адам Еуропаға жұмыс бойынша ұшып кеткен.
"Жүргізуші болып жұмысқа орналасуға барды, сонда 2 күн болды, бірақ ұнамады, үйге қайтамын деді. Варшавада оның ешкімі жоқ, ол жақта ешкімді танымайды. Біз хабарда болдық. Варшава әуежайында болған кезде онымен байланыс үзілді, байланыса алмай қалдық, телефоны өшірулі", - деді әйелі.
Әйел күйеуінің сотталмағанын және қылмыстық жағдайларға қатысы жоғын айтты.
Қазақстанның Польшадағы елшілігіне жоғалған азаматтың туыстары жүгінген.
Tengrinews.kz тілшісі ҚР Сыртқы істер министрлігіне бұл оқиғаға қатысты сауал жолдады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек