Есірткіге мас күйде көлік жүргізген 26 жастағы ер адам ұсталды

Атырауда полиция есірткіге мас күйде көлік жүргізген 26 жастағы тұрғынды ұстады, - деп хабарлайды Massaget.kz тілшісі.

Рейд барысында Skoda Rapid және ВАЗ-2121 NIVA көліктері тоқтатылып, құжаттары тексерілді. Нәтижесінде екі көлік жүргізушісінің де бұған дейін көлік жүргізу құқығынан айырылғаны белгілі болды.

"Hyundai Creta көлігін тізгіндеген 26 жастағы ер адам психотроп заттар әсерінен мас күйде көлік жүргізгені анықталды. Заңбұзушыға қатысты әкімшілік хаттама толтырылып, тиісті шаралар қолданылды", - деп жазылған хабарламада.

Екі көлік те арнайы тұраққа қойылып, жинақталған іс-құжаттар мамандандырылған әкімшілік сотқа жолданды.

Еске салайық, бұған дейін Оралда интим қызмет көрсетіп, есірткі таратқан әйел ұсталғаны хабарланды. 

Аптаның басты оқиғалары мен пайдалы видеоларды көру үшін YouTube арнамызға жазылыңыз