Ескі 5-10 мың теңгелік банкноттар қашанға дейін қолданыста болады?
![Ескі 5-10 мың теңгелік банкноттар қашанға дейін қолданыста болады?](/userdata/news/news_115081/image_l.png)
Ұлттық банк төрағасы Тимур Сүлейменов ескі 5-10 мың теңгелік банкноттар қашанға дейін қолданыста болатынын айтты, - деп хабарлайды Massaget.kz тілшісі.
Ұлттық банкте өткен баспасөз мәслихатында төрағаға "жақында жаңа 10 мың теңгелік банкнот шықты. Ескі 5 мың және 10 мың теңгелік банкноттар қашанға дейін қолданыста болады?" деген сұрақ қойылды.
Massaget.kz
Тимур Сүлейменов уайымдауға себеп жоғын айтты.
"Бәрі параллель жүргізіледі. Ескі купюраларды әкеліңіздер деген болмайды. Біз оларды арнайы алмастырмаймыз. 2 жыл ішінде олар (купюралар - еск.) бірдей қолданыста болады. Содан кейін ескі купюра толық таусылғанша қабылданады. Уайымдаудың керегі жоқ. Егер сізде ескі 5 мың теңге, 10 мың теңгелік купюра болса, олармен төлем жасай аласыз... (Уақыты келгенде - еск.) банктер оларды қабылдап, жаңасына ауыстыра алады", - деді төраға.
Өзекті жаңалықтарды өз уақытында оқу үшін Facebook парақшамызға жазылыңыз!
А. Есен