"Есігі жабылып қалды". Өскеменде бір жасар бала көліктің ішінде қалып қойған
!["Есігі жабылып қалды". Өскеменде бір жасар бала көліктің ішінде қалып қойған](/userdata/news/news_96514/image_l.jpg)
Фото:
gov.kz
Өскеменде Гагарин көшесінде тұрған көлік салонының есігі абайсызда жабылып қалып, ішінде бір жасар бала қамалып қалды. Баланың анасы құтқарушыларға хабарласып, көмек сұрады, - деп хабарлайды Massaget.kz тілшісі gov.kz-ке сілтеме жасап.
Оқиға орнына ШҚО ТЖД жедел-құтқару жасағының құтқарушылар келіп, құралдардың көмегімен көліктің есігін ашып, баланы алып шықты.
ШҚО ТЖД ата-аналарға қарапайым қауіпсіздік шараларын сақтау қажеттігін еске салады.
"Мұқият болып, балаларды бір сәтке болса да қараусыз қалдырмаңыздар. Төтенше жағдай кезінде 112-ге хабарласыңыздар", - делінген хабарламада.
Аптаның басты оқиғалары мен пайдалы видеоларды көру үшін YouTube арнамызға жазылыңыз
А. Жайыққызы