“Ертіс орманы“ резерватында бес жылға ағаштарды кесуге тыйым салынды. Бұған заңсыз ағаш кесу себеп болып отыр, – деп хабарлайды Massaget.kz тілшісі pavlodarnews.kz-ке сілтеме жасап.
Облыстағы орман қорының басым бөлігі "Ертіс орманы" қорығының қарағайлы орманында шоғырланған. Заңсыз ағаш кесу фактілеріне байланысты тыйым салынған.
Павлодар облысы прокуратурасының мәліметінше, мораторий жойылған 2021 жылдан бері 1100 текше метр ағаш заңсыз кесілген. Бұл ағаш кесуге тыйым салу кезеңінің көрсеткішінен асып түскен.
Осыған орай орманды сақтау мақсатында облыс прокуратурасының бастамасымен осы жылғы 10 қыркүйектен бастап 2029 жылғы 1 қаңтарға дейін Орман шаруашылығы және жануарлар дүниесі комитетінің бұйрығымен бүкіл резерват аумағында ағаш кесуге тыйым салынды.
Аптаның басты оқиғалары мен пайдалы видеоларды көру үшін YouTube арнамызға жазылыңыз