"Эротикалық видео көрсеткен": Бишімбаев айыптау актісіне қатысты өз нұсқасын айтты

Қуандық Бишімбаев сотта тергеу мен айыптау қорытындысы бойынша Салтанат Нүкеноваға көрсетті делінген эротикалық видео туралы айтты, - деп хабарлайды Massaget.kz тілшісі.

"Маған анонимді нөмірден Telegram арнаға сілтеме жіберді. Онда "қараңыз, жұбайыңызға ұқсайтын адамды көресіз" деп жазылған. Түн еді, мен есеңгіреп қарай бастадым, эротикалық видео көрдім. Қыз өте ұқсайды. Бет-әлпеті көрінбейді, бірақ өте ұқсайды (Салтанатқа ұқсас - еск.). Әрине, мен елемей қала алмадым. Мен оған көрсеттім, "неге маған бұлай жібереді?" дедім" - дейді Қуандық Бишімбаев.

Айыпталушы жұбайынан сол видеода бар-жоғын түсіндіруді сұрағанын айтты. Бишімбаевтың сөзінше, бұл оқиға тойдан кейін 10 күн өткен соң болған.

Еске салайық, бұған дейін Салтанат Нүкенованы өлтірді деп айыпталған бұрынғы ұлттық экономика министрі Қуандық Бишімбаевтың ісі бойынша алдын ала тыңдау барысында прокурор сұмдық мәліметтерді айтқаны хабарланды.

Мемлекеттік айыптаушының сөзінше, Қуандық Бишімбаев пен Салтанат Нүкенова арасындағы неке ресми түрде тіркелмеген. Айыптаушы тарап Бишімбаев марқұмның телефон қоңырауларын бақылап, оған жұмыс істеуге тыйым салып, оны толығымен қаржылық жағынан тәуелді етті деп санайды. Прокурордың айтуынша, ол қызғаныштан жүйелі түрде физикалық зорлық-зомбылық көрсеткен.

"Бишімбаев қызғаныштан Нүкеноваға порнография көрсетіп, сол жерде түскен жоқсың ба деп сұраған", - деді прокурор.

Аптаның басты оқиғалары мен пайдалы видеоларды көру үшін YouTube арнамызға жазылыңыз