Ермек Маржықпаев туризм және спорт министрі лауазымына тағайындалды

Ермек Маржықпаев Қазақстан Республикасының туризм және спорт министрі лауазымына тағайындалды, - деп хабарлайды Massaget.kz тілшісі.

"Мемлекет басшысының жарлығымен Ермек Боранбайұлы Маржықпаев Қазақстан Республикасының Туризм және спорт министрі лауазымына тағайындалды", - делінген президенттің жарлығында.

1969 жылы Целиноград қаласында дүниеге келген.

С.Сейфуллин атындағы Ақмола мемлекеттiк педагогикалық институтын, «Тұран» университетiн және Көкшетау университетiн бiтiрген.

Еңбек жолын 1991 жылы дене шынықтыру мұғалiмi болып бастаған.

1992-1993 жылдары — Ақмола облысы Бурабай кентiнің орта мектебінде мұғалім.

1993-1994 жылдары — «Шонай» ШЖК директоры.

1994-2008 жылдары — «Береке-Бурабай» ЖШС директоры.

2008-2012 жылдары — Ақмола облысы Аршалы ауданының әкiмi.

2012-2013 жылдары — Ақмола облысы Зерендi ауданының әкiмi.

2013-2014 жылдары — Ақмола облысы әкiмiнiң орынбасары.

2014-2015 жылдары — Қазақстан Республикасы Президентi Әкiмшiлiгi Мемлекеттiк бақылау және аумақтық-ұйымдастыру жұмысы бөлiмiнiң мемлекеттiк инспекторы.

2015-2019 жылдары — Ақмола облысы Көкшетау қаласының әкiмi.

2019 жылғы наурыздан — Ақмола облысының әкiмi.

2023 жылғы 2 қыркүйекте Қазақстан Республикасы Президентінің Жарлығымен туризм және спорт министрі болып тағайындалды.

Instagram парақшамызға жазылып, ең қызықты ақпараттарды бірінші болып оқыңыз!