Ерлан Нысанбаев экология және табиғи ресурстар министрі болып тағайындалды
![Ерлан Нысанбаев экология және табиғи ресурстар министрі болып тағайындалды](/userdata/news/news_90035/image_l.jpg)
Ерлан Нысанбаев экология және табиғи ресурстар министрі лауазымына тағайындалды, - деп хабарлайды Massaget.kz тілшісі Ақорданың баспасөз қызметіне сілтеме жасап.
"Мемлекет басшысының Жарлығымен Ерлан Нұралыұлы Нысанбаев Қазақстан Республикасының экология және табиғи ресурстар министрі лауазымына тағайындалды", - делінген хабарламада.
Еске салайық, Ерлан Нысанбаев 1961 жылы Алматы облысында дүниеге келген. Қазақ Еңбек Қызыл Ту орденді ауыл шаруашылығы институтын, Абай атындағы Қазақ ұлттық педагогикалық университетін бітірген.
Еңбек жолын 1983 жылы бастаған. Түрлі жылдары коммерциялық сектор мен мемлекеттік құрылымдарда жұмыс істеді.
2014-2019 жылдары - ҚР ауыл шаруашылығы вице-министрі.
2019 жылғы шілдеден бастап 2021 жылғы мамырға дейін ҚР экология, геология және табиғи ресурстар вице-министрі қызметін атқарды.
Өзекті жаңалықтарды өз уақытында оқу үшін Facebook парақшамызға жазылыңыз!
А. Жапатова