Ерлі-зайыпты, олардың баласы қаза тапқан: Атырауда жантүршігерлік оқиға тергеліп жатыр

Фото: Tengrinews.kz/ Тұрар Қазанғапов

07 қазан 2024, 12:32

Атырау облысының полициясы екі адамның өлімі мен суицид дерегін тергеп жатыр, - деп хабарлайды Massaget.kz тілшісі.

Атырау облысы Полиция департаментінің мәліметінше, ерлі-зайыптыны өлтіру дерегі бойынша қылмыстық іс қозғалған. Сондай-ақ қайтыс болған ер адам мен әйелдің ұлының денесі табылған.

"Алдын ала мәліметтер бойынша 25 жастағы ер адам 65 және 58 жастағы ата-анасын өлтірген, содан кейін өз өмірін қиған. Қазір оқиғаның мән-жайын анықтау бойынша жедел тергеу жүргізіліп жатыр", – деді Атырау облысы Полиция департаментінің баспасөз қызметі өкілі.

Ведомство тергеу мүддесі үшін өзге ақпаратты жарияламады.

Өзекті жаңалықтарды өз уақытында оқу үшін Facebook парақшамызға жазылыңыз!

Ж. Қадыржанова