Эндокринолог аяқ-қолы мұздап жүретін адамдарда қандай қасиеттер басым екенін айтты
![Эндокринолог аяқ-қолы мұздап жүретін адамдарда қандай қасиеттер басым екенін айтты](/userdata/news/news_84811/image_l.jpg)
Адамдар жиі аяқ қолдың мұздауынан зардап шегеді. Тіпті кейбір адамдардың аяғы мен қолы жазда да мұздап жүреді. Дәрігер қандай мінезді адамдар басқаларға қарағанда суықтан жиі зардап шегетінін, аяқ-қолды жылытудың жолдарын айтты.
Неліктен аяқ-қол мұздайды?
Аязға төзімділіктің төмендеуіне әкелуі мүмкін ауыр аурулар анемия және жүрек-тамыр аурулары саналады.
"Эндокринолог ретінде мен тағы екі себебін атаймын: тері асты май қабатының жеткіліксіздігі (көбінесе астениялық адамдарда) және субклиникалық бүйрек үсті безінің жеткіліксіздігі", - дейді дәрігер Зухра Павлова өз блогында.
Дәрігер қан анализі арқылы кортизол деңгейін анықтау мүмкін емес екенін айтады.
Ағза кортизолды аз бөлсе, бұл физиологияға ғана емес, сонымен қатар темпераментке де әсер етеді.
"Қызуқанды, ашушаң адамдар аяқ-қолы жиі мұздайды. Өйткені норадреналиннің артық болуы перифериялық тамырлардың спазмаларына әкеледі. Айтпақшы, мұндай адамдар көбінесе көшбасшылық қасиеттерге ие, өйткені гормондардың тағы бір күшті тобы, андрогендер кортизолға қарсы салмақ ретінде әрекет етеді. Ал бұл тек рухтың ғана емес, ақылдың да күші," - деп түсіндіреді Зухра Павлова.
Қол-аяқ мұздаса не көмектеседі?
Сергітетін қасиеттерге ие табиғи адаптогендер мұздаған қол-аяққа көмектеседі. Дәрігер оларды таңертең қабылдауға кеңес береді.
Дәрігер бұл адаптогендердің тағы бір әсері бар екенін атап өтті – егер сіз оларды қабылдасаңыз, суық тию аз болады, өйткені кортизол сонымен қатар иммундық жүйенің өткізгіші саналады.
Айта кетейік, бұған дейін аяқ-қолдың мұздау себептерін жазған болатынбыз.
Т. Раушанұлы