Енді жол апаты туралы материалдарды сақтандыру компанияларына онлайн жіберуге болады
![Енді жол апаты туралы материалдарды сақтандыру компанияларына онлайн жіберуге болады](/userdata/news/news_86616/image_l.jpg)
ІІМ Бас прокуратураның құқықтық статистика және арнайы есепке алу жөніндегі комитетімен және "Мемлекеттік кредиттік бюро" АҚ-мен бірлесіп, сақтандыру төлемдерін жүзеге асыру үшін сақтандыру компанияларына жол-көлік оқиғалары туралы материалдарды онлайн-беруді іске қосты, - деп хабарлайды Massaget.kz тілшісі Polisia.kz сайтына сілтеме жасап.
Жыл сайын мыңдаған азамат жол апаты туралы материалдардың көшірмелерін алу үшін алдымен полицияға жүгініп, содан кейін сақтандыру компанияларына құжаттар тапсырып, осылайша көп уақыт жұмсайды.
Қазір бұл процесс полиция, прокуратура және сақтандыру компанияларының дерекқорларын біріктірудің арқасында автоматтандырылған.
Жол-көлік оқиғасы кезінде полиция қызметкері толтырғаннан кейін хаттама тексеруден өту үшін базаға түседі. Содан кейін ол автоматты түрде сотқа және сақтандыру компаниясына жіберіледі.
Азамат сақтандыру компаниясына келген шығынды бағалау үшін ғана жүгінуі қажет және сотқа шақыртумен SMS күтуі керек.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина