Еңбек сіңірген футбол жаттықтырушысы Есенбек Сыздықов өмірден озды

74 жасында Қазақстан Республикасының еңбек сіңірген футбол жаттықтырушысы Есенбек Кабирұлы Сыздықов өмірден өтті, – деп хабарлайды Massaget.kz тілшісі.

"Шахтер" футбол клубының баспасөз қызметі жаттықтырушы Есенбек Сыздықовтың қайтыс болғанын хабарлады.

"74 жасында Қазақстан Республикасының еңбек сіңірген футбол жаттықтырушысы Есенбек Кабирұлы Сыздықов өмірден өтті. Есенбек Кабирұлы бүкіл саналы ғұмырын футболға қызмет етуге арнады. Осы жылдар ішінде "Шахтер" ФК бас бапкері, команда басшысы, спорт директоры, Қазақстан Республикасы Ұлттық футбол лигасының төрағасы, Қарағанды ​​қаласындағы футбол бойынша "Жастар" ОСЮШОР-ның директоры болды.
 "Шахтер" ФК басшылығы мен командасы Есенбек Кабирұлының отбасы мен жақындарына қайғыларына ортақтасып, ауыр және орны толмас қазаға қайғырады. Қазаның орнын ешбір сөз толтыра алмайды. Есенбек Кабирұлының жарқын естелігі оны білетін баршаның жүрегінде мәңгі сақталады", – деп жазды "Шахтер" футбол клубының баспасөз қызметі.

Еске салайық, "Шахтер" футбол клубы 1958 жылы құрылды. Сол жылы Қарағандыда 15 700 адамға арналған клубтың жаттығу стадионы салынды.

"Шахтер" – футболдан Қазақстанның екі дүркін чемпионы (2011, 2012), 2013 жылғы Қазақстан Кубогының және сол жылы Қазақстан Суперкубогының иегері.

Сондай-ақ Қарағанды клубы еурокубоктардың топтық кезеңіне шыққан алғашқы қазақстандық команда болды. "Шахтер" – Премьер-лига құрылғаннан бері одан ешқашан кетпеген жалғыз клуб. Халықаралық деңгейде "Шахтер" еурокубоктарда 12 жеңіспен және 8 тең ойынмен 36 матч өткізді.

Қызықты жаңалықтар мен видеоларды көру үшін TikTok арнамызға жазылыңыз!