"Еңбек емес, биттің арқасы". Ерке Есмахан коуч ханымдарды келеке қылды

Танымал әнші Ерке Есмахан баюдың жолын үйрететін коучтарды келеке ететін жазба жариялады, - деп хабарлайды Massaget.kz тілшісі.

Мәселенің бәрі Ерке Есмаханның шаш туралы жазбасынан бастау алған.

"Шашым қалың, бұйра-бұйра, сосын кішкентайымда биттей беретінмін. Бит тарақпен, жабылып қолмен, керосинмен тазартатын. Тақыр қылып алып тастаған кез де болды. Сонда да кетпейтін бит, сірке", - деп жазған Ерке Есмаханға оқырмандары түрлі реакция білдірген.

Тіпті бір оқырманы: "Мен тазалап берейін сізге тегін", - деген жауап жазыпты.

Әзілге жақын әнші: "И қасқа, кішкентай кезімде деп жаздым ғой. Тазалап берейін дегені несі, онымен қоймай тегін дей ме? Неге ондайсыздар? Алла, Алла", - деп жауап берді.

Тағы бір оқырманы битті байлыққа жоритын пікір қалдырыпты. 

"Кішкентай кезде биттегендер өскенде бай болады дейді ғой", - деген оқырманына Ерке Есмахан: 
"Осылай деп мың адам жазды. Еңбек емес, сол биттің арқасында байып кетіп, қазір Антальяда демалып жатырмыз ғой, шүкір. Баюдың жолын таптық коуч ханымдар", - деп сарказмға толы жауап қалдырды. 

Өзекті жаңалықтарды өз уақытында оқу үшін Facebook парақшамызға жазылыңыз!