Ең арзаны Мысырда, ең қымбаты Гонконгта: бензин бағасы бойынша Қазақстан қай орында?
![Ең арзаны Мысырда, ең қымбаты Гонконгта: бензин бағасы бойынша Қазақстан қай орында?](/userdata/news/news_92870/image_l.jpg)
Қазақстан әлем бойынша бензин қолжетімді елдер қатарында 5-орында тұр, - деп хабарлайды Massaget.kz тілшісі energyprom.kz деректеріне сілтеме жасап.
Алайда ел ішінде баға 13 пайызға өскен. Биыл қаңтар-тамыз айларының қорытындысы бойынша Қазақстанда 3,4 миллион тонна бензин өндірілді. Бұл былтырғымен салыстырғанда 5,4 пайызға артық.
Өңірлер арасында ең көп бензин Шымкенттен шықты: жылына 1,3 миллион тонна. Көшбасшы өңірлер үштігіне Атырау (1,2 миллион тонна) және Павлодар (980,4 мың тонна) облыстары да кірді. 2022 жылы бензин өндірісі 5 миллион тонна болған еді.
Биыл қыркүйекте бензин бағасы жылдық қарқынмен 13,4 пайызға өсті. Оның ішінде АИ-98 11,7 пайызға, АИ-92 12,8 пайызға, АИ-95/АИ-96 16,8 пайызға өсті.
АИ-92 бензинінің орташа бағасы - 203 теңге, АИ-95/АИ-96 249 теңге, АИ-98 261 теңге.
Өңірлер арасында Алматыда бензин бағасы қатты өсті. Антилидерлер үштігіне Алматы және Қарағанды облыстары да кірді.
13 қазандағы жағдай бойынша әлемдегі ең арзан бензинді Мысырдан сатып алуға болады, онда 1 литрдің бағасы - 0,32 доллар. Одан кейін Алжир (0,32 доллар) және Кувейт (0,34 доллар) тұр.
Қазақстан арзан бензин бойынша бесінші орында. Елімізде бензин бағасы 0,46 АҚШ доллары болады. Жетінші орында Ресей тұр, онда 1 лиртдің құны - 0,53 АҚШ доллары.
Ең қымбат бензин Гонконг (2,88 АҚШ доллары), Финляндия (2,23 АҚШ доллары) және Грекияда (2,14 АҚШ доллары).
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова