Елордалық еріктілер әйелдерге 1000-нан аса қызғалдақ сыйлайды
![Елордалық еріктілер әйелдерге 1000-нан аса қызғалдақ сыйлайды](/userdata/news/news_102769/image_l.jpg)
"Астана жастары" жастар ресурстық орталығының еріктілері Халықаралық әйелдер күні мерекесі қарсаңында елорда тұрғындарын құттықтап, гүлдермен және шокаладтармен қуантуда, деп хабарлайды елорда әкімдігінің ресми сайты.
Еріктілер қызғалдақ гүл шоқтары мен шокаладтарды әйел адамдарға қаланың тұрғындар тығыз қоныстанған жерлерінде таратуда. Акция жыл сайын өткізіледі.
"Біздің мақсатымыз – нәзік жандыларға мерекелік көңіл-күй сыйлау. Қымбатты ханымдарға бақыт, денсаулық және амандық тілеймін", - деді еріктілердің бірі Ерасыл Амантай.
Астаналықтар өз кезегінде көрсетілген құрметке риза болып, жастардың ниетіне алғыстарын білдірді.
"Барлығына көп рақмет! Күтпеген жерден көңіл күй бірден көтерілді. Әрбір әйелге зор бақыт тілеймін!" - деді Айнұр Смайылова.
Акция әлі де жалғасуда. Еріктілер астаналық аналар мен аруларға 1000-нан аса гүл мен шокалад сыйлайды. Естеріңізге сала кетейік, елордалық еріктілер игі істер марафоны аясында жалғызбасты зейнеткерлердің үйлерінің аумағындағы қарды тазалап, коммуналдық қызмет мамандарына көмектесіп, тұрақты негізде ыстық шай мен бауырсақ тарату бойынша акциялар өткізеді.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Сатыбалдина