Елорда әкімдігі азаматтардан өтініштер қабылдауға арналған ұялы қосымша әзірледі
![Елорда әкімдігі азаматтардан өтініштер қабылдауға арналған ұялы қосымша әзірледі](/userdata/news/news_43115/image_l.jpg)
Елорда әкімдігімен кері байланысты тиімді ету мақсатында сауалдарға, өтініштер мен ұсыныстарға жедел түрде үн қату үшін «Астана қаласының электрондық өтініштері жүйесі» ұялы қосымшасы іске қосылды, - деп хабарлады Астана қаласы әкімінің баспасөз қызметі.
Оның көмегімен елорданың әрбір тұрғыны мен қонағы мазалаған сұрақтарын қойып, өтініш бере алады. Сонымен қатар, қала әкімдігімен әлеуметтік желілердің беттерінде азаматтармен белсенді жұмыс жүйелі негізде жүргізіліп келеді.
Бүгінгі күннің өзінде жүйеде 280 мыңнан аса пайдаланушы тіркелген және ай сайын 700-750 өтініш түседі. Азаматтар негізінен әлеуметтік-маңңызды мәселелерді, инфрақұрылым, денсаулық сақтау, құрылыс және т.б. салалардағы мәселелерді көтереді.
Өтініштерге 3 күннің ішінде жауап беріледі. Мұқият пысықтауды қажет ететін сұрақтар 15 күннің ішінде қаралады.
Ұялы қосымшаны сілтеме бойынша жүктеуге болады.