Елена Рыбакина ресейлік теннисшіден төртінші рет жеңілді
![Елена Рыбакина ресейлік теннисшіден төртінші рет жеңілді](/userdata/news/news_92059/image_l.jpg)
Фото:
China Open
Қазақстанның бірінші, әлемнің бесінші ракеткасы Елена Рыбакина Бейжіңдегі WTA 1000 сериясындағы турнирдің жартылай финалындағы матчын өткізді, - деп хабарлайды Massaget.kz тілшісі.
Қазақстандық теннисші әлемнің 22-ракеткасы, ресейлік Людмила Самсоновамен ойнап, қарсыласынан 7:5, 6:3 есебімен екі сетте жеңілді.
Елена Рыбакина матчта төрт эйс пен төрт қос қате жасады. Үш брейк-пойнттың біреуін сәтті пайдаланды. Ал ресейлік теннисші жеті эйс пен төрт қос қате жасады. Ол бес брейк-пойнттың екеуін өз есебіне жазды.
Айта кетейік, теннисшілер осымен төртінші рет кездесті, төртеуінде ресейлік жеңіске жетті.
Аптаның басты оқиғалары мен пайдалы видеоларды көру үшін YouTube арнамызға жазылыңыз
М. Лұқпан