Елена Рыбакина жылдың қорытынды турниріндегі екінші матчта да ұтылды

Фото: instagram.com/lenarybakina

Кеше, 22:40

Қазақстанның бірінші, әлемнің бесінші ракеткасы Елена Рыбакина Эр-Риядта (Сауд Арабиясы) өтіп жатқан WTA қорытынды турнирінде екінші матчын өткізді, - деп хабарлайды Massaget.kz тілшісі.

Ол бұл жолы әлемнің жетінші ракеткасы, қытайлық теннисші Чжэн Циньвэньмен ойнады.

Елена Рыбакина қарсыласынан 6:7 (4), 6:3, 1:6 есебімен жеңіліп қалды.

Қазақстандық теннисші 2,5 сағатқа созылған матч кезінде сегіз эйспен бірге алты брейк-пойнттың үшеуін сәтті пайдаланды. Ал оның алты эйс, 13 брейк-пойнттың төртеуін өз есебіне жазды.

Енді Рыбакина өз тобындағы соңғы кездесуін әлемнің бірінші ракеткасы Арина Соболенкомен өткізеді.

Аптаның басты оқиғалары мен пайдалы видеоларды көру үшін YouTube арнамызға жазылыңыз

М. Лұқпан