Елдос Қоспаевтың ұйымдасқан қылмыстық тобына қатысты сот үкімі шықты, - деп хабарлайды Massaget.kz тілшісі.
Астана қаласының қылмыстық істер жөніндегі мамандандырылған ауданаралық сотында Елдос Қоспаев пен оның ұйымдасқан қылмыстық тобына қатысты іс бойынша үкім жарияланды. 11 адам сотталушы орындығында отырды.
Сот мынадай шешім шығарды:
2022 жылы шілдеде Алматының Экономикалық тергеп-тексеру департаменті жедел іздестіру іс-шаралары барысында қаладағы ірі бизнестерді ұзақ уақыт бойы рейдерлік басып алумен айналысқандарды әшкереледі.
Күдіктілер зорлық-зомбылық, қоқан-лоқы жасау, бопсалау арқылы елдегі танымал кәсіпкерлерді өз мүлкін беруге мәжбүрлегені белгілі болды.
Кейінірек Қаржылық мониторинг агенттігі компанияларды рейдерлік жолмен басып алу туралы істің егжей-тегжейін айтты. 2022 жылы 14 шілдеде сот топтың төрт мүшесіне қатысты қамауда ұстау түріндегі бұлтартпау шарасына санкция берді. Ал ҰҚТ басшысы саналатын Елдос Қоспаевтың өзіне және тағы екі қатысушысы Шалин мен Имашевке халықаралық іздеу жарияланды.
2023 жылы Ұлттық қауіпсіздік комитеті Елдос Қоспаев бастаған қылмыстық топтың 7 мүшесін Солтүстік Кипрден Қазақстанға жеткізді.
Instagram парақшамызға жазылып, ең қызықты ақпараттарды бірінші болып оқыңыз!